kaise bane singer-mohammad rafi

dosto aaj ki hamari ye post kaise bane singer-mohammad rafi duniya ke ek bahut bade sangeetkaar ke bare me hai,rafi ek esa naam jisne duniya ko sangeet ki dhun me gungunana sikha diya,aur hame music ka deewana bana diya,aaj ye gayak hamesha logo ke dilo me jinda rahenge kyoki inhone jo kiya woh ham sabke liye ek bahut badi baat hai,mohammad rafi sahib ki aawaj hi kuchh aisi thi duniya ka har ek insan unki aawaj ka deewana hai,woh ek mahaan singer ke sath ek bahut achchhe insan bhi the,lekin kya aap jante hai ki mohammad rafi sahib ne kaise ek sadharan family se ek bahut bade gayak ka safar tay kiya tha,chadiye padte hai unki jeevni jo aapko bahut prerit karegi.

image source: http://www.mohdrafi.com/

shuruaati jeevan

mohammad rafi ka janam 24 december 1924 ko amritsar ke paas kotla sultan singh me hua tha,inka sangeet ki duniya se kuchh bhi lena dena nahi tha,inke bade bhai ki ek naai ki dukaan thi,rafi sahib hamesha apne bhai ki dukaan me jaate the,unke bhai ki dukaan ke paas se ek fakheer har roj gujarta tha,rafi shahab hamesha uska peechha karte the,kyoki woh fakheer kuchh gugunata rehta tha,ye hamesha unki dhun ki nakal karte the,fakheer ki tarah ye hamesha gaana gaate rehte,woh aksar apne bhai ki dukaan par gaana gaate the,aur logo ko apna gaana sunate the,log unki taarif karte the,lekin itne se kuchh hone wala nahi tha,unki aawaj sirf wahi tak seemit thi.

Ek baar woh us fakheer ke peechhe jaa rahe the,aur uske gaano ki nakal ki kar rahe the,toh us fakeer ne uske gaano ki madhur dhun ko suna aur rafi sahib se kaha ki tum ek din bahut bade singer banoge,shayad fakeer ki dua ke badolat hi unki kismat chamakne wali thee.

Personal life-

aisa manna hai ki rafi sahib ki 2 shadiya huyi thee,ek unke bachpan me huyi thee,lekin kisi kaaran bas talaak ho gaya tha,ye suna hai ki jab Hindustan aur Pakistan alag huye toh unki pahli patni ne Hindustan me rahne se mana kar diya toh rafi sahib ne kaha ki mai toh apne sangeet ke sath hi rahunga aur un dono ka talaak ho gaya.

phir unka poora parivar unki pahli shadi ki baat ki charcha bilkul bhi nahi karta tha,shayad bahut hi kam logo ko ye baat pata hogi.talaak ho jaane ke baad inki dusri shadi 20 saal ki umra me bilkis ke sath huyi,inke 3 bete aur 3 betiya thee,lekin inke teeno beto ki maut ho chuki the.

Darahsal inke 2 beto ki maut dil ka daura padne ki wajah se huyi aur ek ladke ki maut car accident me huyi

Career ki shuruaat

ek din laahor me aakashvani se kuchh log aaye,woh gaana gaa rahe the lekin itne me light chali gayi toh is wajah se singer ne gaana gaane ko mana kar diya,rafi ji ne apna gaana sunaane ki anumati lee,aur phir rafi ji ne apni madhur aawaaj me gana gaana shuru kar diya,ye pal rafi sahib ki jindgi ka ek bahut hi khaas pal tha kyoki is light jaane ke baad ke ek pal ne unki jindgi badal kar rakh dee,jab rafi sahib ne gaana gaaya toh sabhi mohit ho gaye,sabhi logo ko unka gaana bahut jyada pasand aaya,jisme shayaam sundar jo ki us time ke sabse prasiddh sangeetkaar the,shayaam sundar ji ko inka gaana bahut pasand aaya aur unhone rafi ji ko gaana gaane ke liye Mumbai aane ko aamantrit kiya.

Mohammad rafi sahib ab pahuch gaye sapno ki duniya Mumbai me,rafi sahab ki aawaj me jaadu tha,rafi shaheb ne bollywood me apni aawaj ka esa tadka lagaya ki ek sadhaaran family ke vyakti ki aawaj ab ghar ghar tak sunaai dene lagi,unhone pahla gaana ek Panjabi film me gaaya tha,aur hindi film ke liye inhone pahla geet pahle aap naam ki film me gaaya tha.
also read-Anupam kher biography in hindi अनुपम खेर   मनोज भार्गव एक सन्यासी जो अरबपति बन गया

Aur toh aur shammi kapoor toh inki aawaj se itne prabhavit huye ki unhone apne har gaane me rafi ka istemaal kiya.rajendra kumar,dileep kumar,dharmendra nahi mante the unka gana rafi shaheb ke alava aur koi gaaye.1960 me chandni ka chand ke shirshak song ke liye unhe pehla filmfare award mila,inhone apne jeevan me kai hit gaane diye,jo aaj bhi log gungunaate hai jese ye duniya ye mehafil,tum jo mil gaye ho.

inhone apne jeevan me 6 filmfare awards jeete hai,

rochak baate

mohammad rafi ji ke pasandida actor rajendra kumar the,jinko dekhkar woh khush ho jaate the,mohammad rafi bahut hi achchhe dil ke insan the,ek din unhone ek vidhva aurat ko paise ki killat se joojhte huye dekha toh mohammad rafi ji ne kisi dusre vyakti ke naam se us aurat ko har mahine rupye bhejhna shuru kar diya,is tarah se unhone bechari us vidhva aurat ki madad ki.

Iske alava woh apne gaane ka paiso se mukavla nahi karte the,ek waqt tha jab kayi sangeetkaar apne paise badhwane ke liye maang kar rahe the,lekin mohammad rafi ko baat buri lagi aur unhone lata mangeshkar ji ke sath geet gaane se hamesha ke liye mana kar diya.woh ek mahaan sangeetkaar the,jo apne time ke sarvshesth gayak the,unke time koi bhi first position par jaane ki sochta bhi nahi tha kyoki sabko pata tha ki agar koi first position par aayega toh sirf aur sirf mohammad rafi hi aayega.

zindgi me har insan ke andar ek na ek khoobi jarur hoti hai,agar hamko life aage badna hai toh hame apne andar ki woh khoobi pehchaanni hogi,aaj rafi shaheb hamko seekh dete hai ki agar insan chahe toh logo ke dilo me raaj kar sakta hai.

agar aapko ye post kaise bane singer-mohammad rafi  pasand aaye toh ise share jarur kare aur hamara facebook like karna naa bhoole.

Add a Comment

Your email address will not be published. Required fields are marked *

WordPress spam blocked by CleanTalk.