ped ki jade “very short best motivational stories in hindi”

ped ki jade Very short best motivational stories in hindi

ped ki jade very short best motivational stories in hindi-dosto kuchh time pehle ki baat hai,ek bachcha jo ki sirf 8 saal ka tha,jo ki ek shehar me study karta tha,ek din woh apne gaav apne dada ji ke paas jaata hai aur unse milkar bahut hi khush hota hai,aur apne dada ji se bahut si achchhi achchhi baatein karne lagta hai.

Woh apne dada ji se poochhta hai ki dada ji ek baat bataiye ki jindgi me kaamyaab hone ke liye kya karne ki jarurat hoti hai,aap mujhe kamyabi pane ke kuchh tips deejiye.

Toh dada ji apne us bachche se kehne lage ki chal pehle ham ghoom kar aate hai toh woh dono paas hi sthit ek podh shaala me ghoomne chal padte hai toh woh kaafi time tak us podh shaala me ghoomne lagte hai aur baapis aate time woh vaha se do podhe lekar aate hai aur dada ji apne bachche ke samne ek podhe ko ghar ke bahaar laga dete hai aur doosre podhe ko woh ghar ke aangan me rakhe ek matki me mitti bhar kar usme laga dete hai,ab woh us bachche se poochhte hai ki bata tere khyaal se in dono podho me se ek kamyab podha kon ban sakega.

Toh bachcha kaafi time sochne lagta hai,aur phir kehta hai ki dada ji ghar ke bahaar lagaaye gaye podhe ko kaafi khatra hai,use havaa,paani,ghaam aur jaanvaro se kaafi khatra hai isliye ghar ke bahaar wala podha ek kaamyaab podha nahi ban sakega aur jo ghar ke andar matki me podha lagaya gaya hai,woh ek din kaamyaab podha ban sakega kyoki use bilkul bhi khatra nahi hai.

Itni baate karne ke baad woh bachcha ghar ke andar chala jaata hai,aur subah hote hi apne shehar chala jaata hai,ab woh bachcha 4 saal baad phir apne dadaji ke paas aata hai aur apne dadaji se poochhta hai ki dadaji kaafi time pehle maine aapse ek baat poochhi thi lekin aapne mujhe answer nahi diya,ab aap mujhe bataaye ki jindgi me kaamyabi kaise haasil ki jaa sakti hai.

Toh dadaji kehne lage ki sabse pehle jo un dono podho ko dekh jo hamne 4 saal pehle lagaaye the toh bachcha ghar ke aangan me aata hai aur dada ji se kehta hai ki dadaji maine kaha tha naa ki aangan ka ye podha ek kaamyaab podha ban jaayega,dekhiye ye kitna viksit ho chuka hai.

Toh dada ji kehne lage ki koi fesla lene se pehle tu ghar ke bahaar wale podhe ko toh dekh toh woh bachcha ghar ke bahaar gaya toh usne dekha ki bahaar wala podha ek vishaalkaaye ped ka roop le chuka hai aur bahut se log uski chhaye me baithe huye the,aur us ped ki jade kaafi door tak feli huyi thi.

toh woh bachcha apne dadaji se kehta hai ki dadaji ghar ke bahaar laga huya ped hi vastav me ek kaamyaab ped ban paaya hai lekin mujhe samajh nahi aaya ki kaise?

toh woh dadaji kehne lage ki vahaar wale podhe ko uski jade felaane ke liye kaafi swatantrta thi,woh jitni jyada door chahe apni jade fela sakta hai lekin jo andar wala podha hai woh chahkar bhi apni jade door tak nahi fela sakta,woh chahkar bhi ek safal podha nahi ban sakta isliye bachche jindgi me agar tujhe kaamyaabi paana ho toh bahaar nikal kar apni jade majboot keejiye yaani kuchh aisa kaam keejiye jisse aap apni jade kaafi door door tak fela sake yaani aap jindgi me kuchh bahut bada paa sake.

isliye agar jindgi me success hona hai toh bahaar wale podhe ki tarah kabhi bhi khatra uthaane se mat dariye aur jindgi me khatra uthaaiye aur bahut badi success haasil keejiye.

Add a Comment

Your email address will not be published. Required fields are marked *

WordPress spam blocked by CleanTalk.