रजनीकांत “life story of rajnikanth in hindi”

aaj mai aapko jis insan ke jeevan ki kahani bataane wala hu woh hai super star rajnikanth jinhe aaj duniya ka bachcha bachcha jaanta hai,woh super star hai,aaj unka abhineta ke tor par jo jalva hai,woh shayad kisi dusre star ke andar shayad hi dekhne ko mile.
life story of rajnikanth in hindi
lekin shayad kuchh logo ko inke jeevan ke kathin chhano ke baare me pata nahi hai,ye ek aise mahan insan hai,jo jameen se jude huye hai,aaj bhale hi woh ek super star hai lekin phir bhi woh ek sadharan insan ki tarah jeevan jeete hai kyoki woh ek bahut hi achchhe insan hai,inki life story of rajnikanth in hindi aapko bahut prerna degi kyoki ye ek aise hero hai jinhone jero se hero banne tak ka safar tay kiya hai,chaliye padte hai inke jeevan ki kahani

shuruaati bachpan ka jeevan

super star rajnikant ka janm 12 december 1950 ko banglaru me ek maraatha parivar me hua tha,inke pita ek havaldaar the,inke 4 bhai behn the,jinme ye sabse chhote the,
inke bachpan me hi inki mata ka swarg vaas ho gaya tha,isliye inhe bachpan se bahut pareshani uthani padi.
Inke bhai ne inhe school me daakhila dilvaya toh ye padaai aur football jaise game me bahut hi achchhe the,bachpan me inhone apne school ke function me kai show kiye jo sabhi ko bahut hi aakarshit karte the,sabhi inki taarif kiya karte the.

Personal life

Rajnikanth ko ek college magazine ke liye interview dete time ek ladki pasand aayi jinse unki shadi 1981 me huyi,unka naam latha rangachari hai,inki 2 ladkiya hai jinka naam aishwarya aur saundarya hai.
Inki ladki aishwarya ki shadi dhanush se huyi,aur dusri ladki saundarya ki shadi ek udyogpati ashvin ramkumar se huyi.

struggle

Rajnikanth ke parivar ke haalaat theek nahi the,isi kaaran jis umra me log apne career ke bare me sochte hai,usi umra me inhone kaam karna shuru kar diya,inhone chaval ke boro ko truck me laadne ka kaam bhi kiya tha,aur iske alaba ye bus me conductor ka kaam kiya karte the,aap yakin nahi maanoge ki is insan ke sirf ek andaaj se bas me bethne wale logo ki laain lag jaati thi,jab bhi ye kisi ko khulle rupye baapis karte the toh unka andaaj itna jordaar tha ki sirf inse khulle rupye karvane ke liye log doosre baso me nahi bethte the.
log inki bas me bethne ke liye ghanto prtikcha karte the aur is wajah se kuchh bas khaali chali jaati thi,ye bas me apne behtreen style se mashhur the.

Filmy career

Ek baar rajnikanth ko akbaar me ek institute ke bare me pata laga,jo acting sikhata tha,inki ruche bachpan se hi acting me thee isliye inhone socha kyo naa is institute me admition liya jaaye.
Woh apne parivar walo ke paas gaye aur is bare me baat ki lekin unke parivar ke halat kuchh theek nahi the isliye inke parivar walo ne inhe poori tarah se support nahi kiya tab ek dost ne inki madad ki aur inhone us institute me admition le liya.
Jav stage show huya toh waha par tamil film producer balachandra maujud the,jab producer ne rajnikanth ji ki performance  dekhi toh producer ne rajnikanth ko apni ek film me kaam karne ka mauka de diya.
Tabhi inhone tamil seekhi aur tamil ki ek film me kaam kiya,logo ne inke abhinay ko saraya aur is tarah se ye tamil filmo ke sartaaj ban gaye phir inhone south ki kayi filmo me kaam kiya,in sabhi me rajnikanth ki bhoomika ko saraya gaya.
Iske baad inhe bollywood ki filmo me kaam karne ka mauka mila aur inke behtreen tarike se sigret peene aur chashme pehnne ke andaaj ne inhe bollywood me esa mashhur kiya ki unki filme superhit hoti chali gayi.
Inki bollywood me pahli film thee andha kanoon.

Popularity

Aaj rajnikanth bollywood me kaafi mashoor hai,unki inke naam ke wajah se hi chalti hai,logo ne rajnikanth ji ke oopar kayi jokes banaye hai,jo kaafi famous hai,kuchh jagah par rajni kaant ke mandir bhi hai,log unki bhagvan ki tarah pooja karte hai,
bese rajni kaant hain bhi kuchh alag hi,bollywood me unke ek ek andaaj par taaliya baj jaati hai,unka tezi se farratedaar car chalana logo ko bahut bhata hai.
bollywood me inhone ek se badkar ek superhit movies banaayi,aaj har ek insan ki juvan par inka naam hai.

Rochak baate

(1)Superstar rajnikanth ka asli naam shivaji raav gayakvaad hai.
(2)rajnikanth apni film release hone ke baad himalya jaate hai.
(3)rajnikanth daan dene wale hai,koi bhi vyakti unke dwaar se khali haath nahi jata.
(4)inke fan hamesha inhe rajniti me lane ki koshish karte hai lekin ye mana kar dete hai,aur toh aur ek baar logo ne inke liye party tak bana di lekin inhone mana kar diya,
toh dekha dosto kese ek chaval ke boro ko truck me rakhne wala,conductor ka kaam karne wale rajnikant superstar ban gaye.
aap bhi dekh sakte ho ki inki agar koi si bhi movie release hoti hai toh start hone se pehle superstar rajnikant jarur likha aata hai.
jyadatar log yahi sochte hai ki mene jyada padaai nahi ki hai yaa mai saadharan sa kaam karta hu isliye jyada aage nahi bad paaunga,lekin dosto yaad rakho zindgi me aage badne ke liye padaai se jyada hunar aur tallent ki jarur hoti hai,agar aap kisi bhi kaam me ruchi rakhte ho,aur aapko uske baare me poora experience hai toh bhi aap kaafi aage jaa sakte ho.
dosto agar aapko hamari ye post life story of rajnikanth in hindi pasand aayi ho toh ise share jarur kare aur hamare dwara likhi gayi ye post rajnikanth biography in hindi ke bare me hame comments ke jariye bataye ki ye aapko kaisi lagi.
2 Comments

Add a Comment

Your email address will not be published. Required fields are marked *

WordPress spam blocked by CleanTalk.